ជារៀងរាល់ថ្ងៃ ម៉ោង ១៧.៣០នាទី ឬលើសបន្តិចបន្តួច ខ្ញុំបានចេញពីកន្លែងធ្វើការតែមេឃមិនប្រណីដល់ខ្ញុំ ជិះម៉ូតូហួសរង្វង់មូលទួលគោករៀងស្ទះបន្តិច ស្រាប់តែភ្លៀងធ្លាក់ដូចបាក់មេឃមក។ ភ្លាមៗនោះ ខ្ញុំបានដកយកទូរស័ព្ទទាំង២ និង iPod របស់ខ្ញុំដាក់ចូលកាបូប ដោយជិះកាត់ក្រោមដំណក់ភ្លៀងក៏ខ្លាំងដែលធ្វើឱ្យទឹកដក់ស្ទះលូ លិចផ្លូវ។
នៅពេលមកដល់ក្រោមផ្ទះ ភ្លៀងទទឺកជោកអស់ ហើយកាបូបខ្ញុំក៏សើមដែរ ពេលនោះខ្ញុំប្រញាប់ឡើងលើផ្ទះដើម្បីផ្លាស់ខោអាវខ្លាចឈឺ និងមើលឥវ៉ាន់ក្នុងកាបូប។ ចូលផ្ទះភ្លាមដកកុំព្យូទ័រពីកាបូប ដកឥវ៉ាន់ស្ទើតែទាំងអស់ តែចុងក្រោយដកទូរស័ព្ទ និង iPod មក ស្រាប់តែទទឹក ហើយក៏យកក្រដាសជូតហើយចុចមើលភ្លាម ឃើញថាទូរស័ព្ទ និង iPod ចូលទឹកទាំងអស់។ ពេលនោះខ្ញុំក៏ដកថ្មចោលទាំងអស់ ហើយជូត តែលទ្ធផលគឺនៅតែយ៉ាប់ Hik Hik... តើនេះជាថ្ងៃស៊យរបស់ខ្ញុំឬ?????
0 comments:
Post a Comment